Si Hei Dr Wilhälm Täll Ufgfüert Chords by Mani Matter
[Verse]
C G7 C
si hei der willhelm täll ufgfüehrt im löie z'nottiswil
C G7 C
da bruchts viel volk, gwüss z'halbe dorf, hett mitgmacht i däm schpil,
E7 Am G7 C
die andri helfti isch im saal gsy, bim'ne grosse bier,
F C G7 C
als publikum, het zuegluegt und isch gschpannt gsy, was passier.
[Verse]
C G7 C
am aafang isch es schön gsy, do het als schtouffacherin,
C G7 C
d'frou pfarrer mit dem schnyder gret, i wort vo tiefem sinn,
E7 Am G7 C
und als isch grüert gsy, sy het dasmal nid gseit, s'chleid sig z'tüür,
F C G7 C
und är het guet ufpasst das är der fade nid verlüür.
[Verse]
C G7 C
uf zmal, churz vor em öpfelschuss, dr lehrer chunnt als täll,
C G7 C
sy suhn, dä fragt'ne dis und äis, do rüeft dert eine schnäll,
E7 Am G7 C
wo un'drem huet als wach isch gschtande, so dass jede ghört,
F C G7 C
wiso fragt dä so tumm, het dä ir schuel de nüt rächts glehrt.
[Verse]
C G7 C
e fründ vom täll, e maa us altdorf, zwickt em eis uf ds muul,
C G7 C
und dise wo der huet bewacht, git ume, gar nid fuul,
E7 Am G7 C
und stosst ihm mit syr helebarde eine z'mitts i buuch,
F C G7 C
da chunnt scho s'volk vo uri z'springe, donner jetzt geits ruuch.
[Verse]
C G7 C
die einte, die vo öschterrich, die näh für d'wach partei,
C G7 C
die andre, die vo altdorf, für ä täll, ei schlegerei,
E7 Am G7 C
mit helebarde, cartonschwärt, culisse, schlöh sy dry,
F C G7 C
der täll ligt und'rem gessler scho, da mischt der saal sech y.
[Verse]
C G7 C
jitz chöme gleser z'flüge, jede stillt sy gheimi wuet,
C G7 C
es chrose tisch u bänk und's bier vermischt sech mit em bluet.
E7 Am G7 C
der wirt rouft sech sys haar, d'frou schinet brochni glider y,
F C G7 C
zwo stund lang het das duuret, do isch öschtrich gschlage gsy.
[Verse]
C G7 C
si hei der willhelm täll ufgfüehrt im löie z'nottiswil
C G7 C
und gwüss no niene i naturalistischerem styl,
E7 Am G7 C
d'versicherig het zahlt - hingäge eis weiss ig sithär,
F C G7 C
sy würde d'freiheit gwinne, wenn sy däwäg z'gwinne wär,
F C G7 C
sy würde d'freiheit gwinne, wenn sy däwäg z'gwinne wär.
